"Валенсия"нинг Ла Лиганинг жорий мавсумдаги муваффақиятсизликлари давом этмоқда.
Якшанба куни “кўршапалаклар” ўз майдонида “Севилья”га (0:2) мағлуб бўлиб, қуйи лигага тушиб кетиш ўрнини сақлаб қолди. Ла Лиганинг 29-туридан сўнг “Валенсия” бор-йўғи 27 очкога эга, Opta маълумотларига кўра, бу клубнинг 1985/86 йилги мавсумдан кейинги энг ёмон натижаси (29 турдан кейин 24 очко). Эътиборлиси, айнан ўшанда “Валенсия”нинг элита дивизиондан тушиб кетганди.
Кейинги турда валенсияликлар сафарда чемпионатнинг сўнгги ўрнидаги жамоаси “Эльче”га қарши ўйнайди.