"Барселона" ярим ҳимоячиси Серги Роберто жароҳати сабаб бир ойдан кўпроқ майдонга туша олмаслиги мумкин.

16 апрель, якшанба куни бўлиб ўтган Испания чемпионатининг 29-туридан ўрин олган “Хетафе”га (0:0) қарши ўйинда 31 ёшли испаниялик футболчи жароҳати сабаб 17-дақиқада алмаштирилди.

Дастлабки маълумотларга кўра, Серхи Робертонинг чап сонидаги мушаги йиртилган. Бу унинг бир ойдан кўпроқ вақт давомида "кўк-анорранглилар" сафида майдонга туша олмаслигини англатади. Бугун ярим ҳимоячи қўшимча текширувдан ўтади ва бу кўрикда унинг жароҳатига аниқ ташхис қўйилади ва футболчининг тикланиш муддатига ойдинлик киритилади.

Серхи Роберто жорий мавсумда "Барселона" сафида барча турнирларда 30 та ўйинда майдонга тушиб, 4 та гол урди ва 3 та голли узатмани амалга оширди.