«Ливерпуль» ярим ҳимоячиси Жонжо Шелви қизил карточка олиб майдонни тарк этаётганида «Манчестер Юнайтед» устози Сер Алекс Фергюсонга бармоғини ўқталиб, ўзининг қизил карточка олишида унинг айби бордай ҳаракат қилганди. Шотландиялик мутахассис ўйиндан кейин BBC га берган интервьюсида бу ҳақида тўхталиб ўтди:

«Шелвининг қизил карточка олиб, майдондан четлатилиши ҳақли бўлди. Чунки у жуда хавфли ўйин кўрсатганди. Мен Жонни Эванс тўпга бораётгани кўрдим, ҳакам ортиқча қарор қабул қилди деб ўйламагандим. Шелви эса майдондан чиқиб кетаётиб, мени айбдор қилиб кўрсатгандай бўлди, гўёки мен ҳакамнинг қарорига таъсир кўрсатдим. Футболчи ўз хатти-ҳаракати учун ўзи жавобгар, бу ҳақида савол бўлиши мумкин эмас».

Тажрибали мутахассис «Энфилд Роуд»да қўлга киритилган ғалабадан кўнгли тўлмаганлигини ҳам эътироф этди:
«Бу ўйинда биз ажойиб натижага эришдик, лекин яхши ўйин кўрсата олмадик. Биринчи бўлимда «Ливерпуль» тўлиқ устунликка эга бўлди. Иккинчи бўлимда эса биз, албатта, уларнинг 10 киши бўлиб қолиши ҳам ўйинга ўз таъсирини кўрсатди. Ғалаба ўз номи билан ғалаба. Биз ундан хурсандмиз, ўйин сифатидан эмас», дейди Сер Алекс Фергюсон.