«Интер» вакиллари ўз уйларида «Сиена»га 0:2 ҳисобида мағлубиятга учрадилар. Бу «нераззурилар»нинг 2012-2013 мавсумда ўз уйларида кечган баҳсдаги иккинчи мағлубияти. Ўйиндан сўнг миланликлар бош мураббийи Андреа Страмаччони мағлубиятга қарамасдан кейинги ўйинларда ўзларига ишонишаётганликларни айтиб ўтди:
«Мағлубият ёмон бўлди. Ҳозир нима қилаётган бўлсак, биз шуни тўхтатмаслигимиз керак. Бугун яхши ўйнадик, лекин гол ура олмадик. Бугунги «Интер» гол урилгунча, анча яхши ўйин намойиш қилди. Биз янги жамоа қуряпмиз, клубга энг тўғри балансни топиб олишимизга бироз вақт керак, асосийси бирдамликни йўқотмаслигимиз зарур», дейди миланликлар устози Sky Sport Italia га берган интервьюсида.