Ярим ҳимоячи Дани Ольмонинг келажаги ноаниқлигича қолмоқда. Миш-мишлар 24 ёшли футболчини бир қатор нуфузли клублар билан боғлайди, бироқ Ольмонинг ўзи ҳали бир қарорга келмаган. “Лейпциг” испаниялик футболчига янги меҳнат шартномаси таклиф қилади, аммо Дани уни имзолашга иккиланиб турибди.
Bild ўз саҳифаларида хабар беришича, "буқалар" Ольмога ультиматум қўйган - футболчи мавсум якунига қадар бир қарорга келиши керак. Агар футболчи шартномани узайтириш таклифини қабул қилмаса, у ҳолда у албатта сотилади.
"Лейпциг"нинг позицияси аниқ - Ольмонинг амалдаги шартномаси 2024 йилнинг ўрталарига қадар амал қилади ва клуб футболчини текинга йўқотмоқчи эмас.
