"Брайтон" ярим ҳимоячиси Алексис Макаллистер мавсум охирида жамоани тарк этиши ҳақида журналист Фабрицио Романо маълум қилди.
Манбага кўра, аргентиналик футболчининг агенти унинг кетиши 100 фоиз кафолатланган деб ҳисоблайди. Мавсум охиригача у бор эътиборини "Брайтон"да ўйнашни режалаштирган.
Футболчига "Ливерпуль" ва "Манчестер Юнайтед" клублари қизиқмоқда. Ҳар икки клуб ҳам яқин орада унинг вакиллари билан музокаралар ўтказишни режалаштирган.
24 ёшли футболчи жорий мавсумда “Брайтон” сафида 30 та ўйинда майдонга тушди. Унинг ҳисобида 10 та гол ва 2 та голли узатма бор.
