Суперлиганинг 6-туридан ўрин олган “Бунёдкор” – “Насаф” (1:1) учрашувидан сўнг мезбонлар бош мураббийи Мурод Отажонов ўз фикрларини билдириб ўтди.

“Жанговар учрашув гувоҳи бўлдик ва якунда дурангга эришдик. “Насаф”нинг ўйини яхши шаклланган, жамоа халқаро майдонда ҳам иштирок этиб келмоқда. Бундай қарама-қаршиликлар қанча кўп бўлса, чемпионатимиз савияси ҳам ошади. Йигитлар сўнгги дақиқага қадар курашишди ва бунинг учун уларга катта раҳмат.

Рақиб жамоага қараб ўйинимизни мослаймиз. Қайсидир рақиб билан биринчи, бошқаси билан иккинчи рақам остида ҳаракат қиламиз. Фойдаси тегяптими, ўша услубда қоламиз. Акси бўлса, тактикани ўзгартирамиз. Масалан, биринчи бўлимда 3-5-2 схемасида ўйнаган бўлсак, иккинчи таймда 4-4-3 га ўтдик”, – деди Отажонов.