Superliganing 6-turidan o‘rin olgan “Bunyodkor” – “Nasaf” (1:1) uchrashuvidan so‘ng mezbonlar bosh murabbiyi Murod Otajonov o‘z fikrlarini bildirib o‘tdi.
“Jangovar uchrashuv guvohi bo‘ldik va yakunda durangga erishdik. “Nasaf”ning o‘yini yaxshi shakllangan, jamoa xalqaro maydonda ham ishtirok etib kelmoqda. Bunday qarama-qarshiliklar qancha ko‘p bo‘lsa, chempionatimiz saviyasi ham oshadi. Yigitlar so‘nggi daqiqaga qadar kurashishdi va buning uchun ularga katta rahmat.
Raqib jamoaga qarab o‘yinimizni moslaymiz. Qaysidir raqib bilan birinchi, boshqasi bilan ikkinchi raqam ostida harakat qilamiz. Foydasi tegyaptimi, o‘sha uslubda qolamiz. Aksi bo‘lsa, taktikani o‘zgartiramiz. Masalan, birinchi bo‘limda 3-5-2 sxemasida o‘ynagan bo‘lsak, ikkinchi taymda 4-4-3 ga o‘tdik”, – dedi Otajonov.
