"Ливерпуль" ҳужумчиси Роберто Фирмино фаолиятини "Интер"да давом эттириши мумкин, деб хабар беради Gazzetta dello Sport.
Олдинроқ "Интер" ижара асосида ўйнаётган Ромелу Лукакуни сотиб олмаслиги ҳақида хабарлар тарқалган эди. Манбанинг хабарига кўра, миланликлар раҳбарияти белгиялик футболчининг ўрнига номзодлар рўйхатини аллақачон тузиб бўлган, унинг таркибига Фирмино ҳам киритилган.
Март ойида бразилияликнинг агенти ҳужумчининг шу ёзда "Ливерпул"дан кетишини эълон қилганди. Фирмино жорий мавсум “Ливерпуль” сафида барча турнирлар доирасида 33 та ўйинда майдонга тушиб, 11 та гол урди ва 5 та голли узатмани амалга оширди.
