Стефано Пиоли шогирдлари «Наполи»ни мағлуб этганидан сўнг Чемпионлар лигаси ярим финалига йўл олди.
«Милан» ҳимоячиси Фикайо Томори ўзини бахтли деб таъкидлаб, скептикларни - «Милан»га ишонмайдиган одамларни эслади.
«Бошида ўйинни назорат қилдик. Менимча, биз ярим финалга муносиб эдик. Биз қарши ҳужумларда жуда кучли эдик. Мен бахтлиман.
Чорак финалга қуръа ташланганидан кейин кўпчилик бизни ҳисобдан чиқарганди. Энди бизда ўзимизга бўлган ишонч янада ортди», - деди Томори.
«Милан» охирги марта 2007 йилда Чемпионлар лигасида ғолиб чиққан.
