"Атлетико Мадрид"га тегишли бўлган жаҳон чемпиони Родриго де Пауль фаолиятини Англия Премьер-лигасида давом эттириш имкониятига эга. Бу ҳақда Todofichajes нашри хабар бермоқда.
Манбага кўра, "Манчестер Юнайтед" таянч ярим ҳимоячиси хизматларига қизиқиш билдирмоқда. Қийин иқтисодий вазият туфайли “матрасчилар” етакчи футболчиларидан бири билан хайрлашиши мумкин. Потенциал трансфер суммаси 40-50 миллион еврога баҳоланмоқда.
Де Паулнинг "Атлетико" билан шартномаси 2026 йилнинг ўрталарига қадар амал қилади. Жорий мавсумда Родриго Ла Лигада 22 та ўйинда майдонга тушиб, 1 та гол ва 3 та голли узатмани амалга оширди.
