Лондоннинг "Челси" клуби Маурисио Почеттино билан боғланиб, аргентиналик мутахассисни бош мураббий этиб тайинлаш масаласини муҳокама қилди. Бу ҳақда британиялик журналист Мэтт Лоу хабар берди.
"Челси" шу ой бошида Грэм Поттерни ишдан бўшатганидан бери доимий мураббийсиз қолмоқда. Почеттино ўтган ёзда "ПСЖ"дан истеъфога чиқарилганидан бери ишсиз эди. Англияда аргентиналик мураббий аввалроқ "Саутгемптон" ва "Тоттенхэм" каби клублар бошқарувида ишлаган ва "шпорлар" билан 2019 йилда Чемпионлар лигаси финалига қадар етиб борган.
"Челси"да ишлаш учун яна бир жиддий номзод "Бавария"нинг собиқ бош мураббийи Юлиан Нагельсманн.
