Ярим ҳимоячи Мэйсон Маунтнинг келажаги муҳокама мавзуси бўлиб қолмоқда. 24 ёшли футболчининг "Челси" билан шартномаси 2024 йилнинг ўрталарига қадар тузилган ва агар томонлар яқин орада шартномани узайтириш борасида келишмаса, клуб катта эҳтимол билан ёзда Маунтни сотиши мумкин.
Маунтни қўлга киритиш учун биринчи рақамли даъвогар бу "Ливерпуль". Football Insider хабарига кўра, "қизиллар" аллақачон 24 ёшли футболчи учун шартнома тайёрлаб қўйган ва у клуб раҳбарлари томонидан маъқулланган. Қайд этилишича, Юрген Клопп Мэйсонни ўз жамоасида кўришни жуда хоҳлайди.
Қўшимча қиламизки, "Челси"нинг асосий жамоаси учун Маунт 195 ўйин ўтказиб, 33 гол урган ва 37 голга ассистентлик қилган. Transfermarkt портали футболчини 65 миллион еврога баҳоламоқда.