«Реал Мадрид» бош мураббийи Жозе Моуриньо кеча жамоасининг «Райо Вальекано»га қарши ўтказган ўйини осон бўлмаганлигини гапириб ўтди.

«Ўйин жуда оғир бўлди. Биз ўтган йилги мавсумда ўйинларга қандай муносабатда бўлган бўлсак, бугун ана шунга ўхшашини кўрсатдик. Талаб қилинадиган минимум нарса диққатни бир жойга қаратиш ва у томон аниқ бир истак билан интилишдир. Футболчилар бугун шундай қила олишди. Биз янада яхшироқ ўйнашимиз мумкин эди, лекин рақиблар кўп югуришди ва тўп учун қаттиқ курашишди.

Ўтган йили биз ҳужумда совуққонлик билан ўйнаб, кўп гол урардик. Лекин ҳозир ундай қила олмаяпмиз, жамоада қанақадир умумий ишонч йўқолгандай. Шундай бўлса-да, ғалаба қозонишга муҳтожммз. Яна «Райо Вальекано» билан бўлган ўйин ҳақида гапирадиган бўлсам, ўйин вақти ўзгаргани иккала клубга ҳам ёмон таъсир қилди. Ўйин қачон бўлишини билмай уйга қайтиш ғалати ҳолат. Ўйинда эса рақиблар бизга ўйин бермасликка ҳаракат қилишди, лекин, барибир, бизда гол уриш учун жуда ажойиб имкониятлар бўлди», дея интервью берди Жозе Моуриньо.