"Бавария" ҳимоячиси Нуссаир Мазрауи ўйин амалиёти камлиги ҳақида фикр билдирди.
“Ҳозирги вазиятдан хафаман. Жаҳон чемпионати олдидан асосий таркибда ўйнадим, ҳозир формадаман, лекин ўйин амалиёти етишмаяпти. Мен иккинчи ёки учинчи танлов ҳам эмасман. Вазиятни қандай кўраётганим ҳақида гапиришга ҳали эрта, аммо бунда яхши нарса йўқлиги аниқ ”, - деди Мазрауи.
25 ёшли ҳимоячи ўтган ёздан бери мюнхенликлар сафида тўп сурмоқда. Жорий мавсумда у клуб сафида барча турнирларда 20 та ўйинда майдонга тушиб, 3 та голли узатмани амалга оширди.
