Миланнинг “Интер” клуби марказий ҳимоячиси Милан Шкриньяр бу мавсумда бошқа майдонга тушмайди. Журналист Фабрицио Романонинг сўзларига кўра, словакиялик бел умуртқа поғонасидан операция қилинган.
Ҳимоячи яқин ҳафталарда реабилитациядан ўтади ва мавсумнинг қолган қисмида, жумладан, Чемпионлар Лигаси ярим финалида "Милан"га қарши ўйинда ҳам жамоасига ёрдам бермайди.
Шу тариқа, Шкриньяр “Интер” сафидаги сўнгги ўйинини ўтказиб бўлди. Эслатиб ўтамиз, футболчининг "нерадзуррилар" билан шартномаси мавсум охирида якунига етади. Унинг эркин агент сифатида "ПСЖ"га ўтиши аллақачон келишиб олинган.













