51 ёшли ҳакам Марк Халси якшанба куни «Ливерпуль» ва «Манчестер Юнайтед» ўртасидаги учрашувни бошқариб борганди. Ҳакам Жонжо Шелвига қизил карточка бериб, майдондан четлатгани камлик қилгандай меҳмонлар фойдасига йўқ жойдан пенальти олиб берганди.
Албатта, бу нарса кўпчиликка ёқмади, айниқса, мезбон жамоа фанатларига. Шундан сўнг ҳакам танқид қилина бошлади. Интернетдан аноним тарзда турли хабарлар Марк Халсига жўнатилди. Хусусан, битта хабарда шундай дейилган: «Мен Марк Халсини яна ракка чалинишини ва ўлишини хоҳлайман». Ана шундай совуқ хатларнинг бирида Маркнинг хотини Мишелнинг оқ қонлиги ҳам айтилган. Хатлардан бири ўғлига ҳам жўнатилган.
Ҳақиқатан ҳам Марк Халсига 2009 йилда томоқ раки ташҳиси қўйилганди. Марк Халси ҳам бу хабарларга ўз муносабатини «Менинг оилам полицияга шикоят қилади. Мен улар билан чоршанба куни гаплашаман», дея ифодалади.