"Ан-Наср" ҳужумчиси Криштиану Роналду "Ал-Ҳилол" билан ўйиндан (0:2) кейин қилган ишораси учун жазоланмайди.
Португалиялик футболчи кийиниш хонасига йўл олган пайтда "Ал-ҲилоЛ" мухлислари "Месси, Месси"- деб бақиришган, бунга жавобан Роналду ножўя ҳаракат қилган.
Саудия Арабистони футбол ассоциациясининг тартиб-интизом ва аҳлоқ қўмитаси воқеани ўрганиб чиқиб, футболчига нисбатан ҳеч қандай санкция қўлламасликка қарор қилди.
Қайд этилишича, ижтимоий тармоқларда жойлаштирилган видеолар эмас, фақат учрашувнинг расмий ёзуви томоша қилинган. Фақатгина "Ан-Наср" футболчилари иккинчи бўлим бошига қадар майдонга кеч тушгани учун 15 минг риал миқдорида жаримага тортилди.
