"An-Nasr" hujumchisi Krishtianu Ronaldu "Al-Hilol" bilan o‘yindan (0:2) keyin qilgan ishorasi uchun jazolanmaydi.
Portugaliyalik futbolchi kiyinish xonasiga yo‘l olgan paytda "Al-HiloL" muxlislari "Messi, Messi"- deb baqirishgan, bunga javoban Ronaldu nojo‘ya harakat qilgan.
Saudiya Arabistoni futbol assosiasiyasining tartib-intizom va ahloq qo‘mitasi voqeani o‘rganib chiqib, futbolchiga nisbatan hech qanday sanksiya qo‘llamaslikka qaror qildi.
Qayd etilishicha, ijtimoiy tarmoqlarda joylashtirilgan videolar emas, faqat uchrashuvning rasmiy yozuvi tomosha qilingan. Faqatgina "An-Nasr" futbolchilari ikkinchi bo‘lim boshiga qadar maydonga kech tushgani uchun 15 ming rial miqdorida jarimaga tortildi.
