"Барселона" футболчиси Усмон Дембеле Ла Лиганинг навбатдаги турида "Атлетико"га қарши бўлиб ўтадиган ўйинда майдонга туша олмайди.

Инсайдер Хави Мигелнинг фикрича, франциялик футболчининг майдонга қайтишига ҳали эрта. Бу фикрга "Барселона" мураббийлар штаби ҳам қўшилади.

Аввалроқ Дембеле "Атлетико" билан ўйинда ҳеч бўлмаганда захирадан майдонга тушиши мумкинлиги ҳақида миш-мишлар тарқалган эди, бироқ манба бу маълумотни инкор этмоқда. Эслатиб ўтамиз, Усмон жароҳати туфайли деярли икки ойни ўтказиб юборди.

Аммо "Атлетико" билан ўйинда "Барселона"нинг жароҳатидан фориғ бўлган бошқа футболчилари албатта майдонга тушишади. Гап ярим ҳимоячилар Педри ва Френки де Йонг ҳақида кетмоқда.