"Манчестер Сити" бош мураббийи Хосеп Гвардиола "Наполи" ва "Милан"нинг Чемпионлар лигасидаги ўйинига баҳо берди.
"Италия футболи мукаммал тартибда. “Наполи” – “Милан” учрашувини томоша қилдим ва ҳайратда қолдим. Неаполликларнинг миланликлар билан барча ўйинлари жорий мавсумда яхши таасуроот қолдирди. Барча учрашувлар кичик ҳисобдаги фарқ билан якунланди.
Энди кўпчилик "Наполи" Чемпионлар Лигасидан чиқиб кетгани учун мавсумни ёмон ўтказмоқда деб айтишни бошлайди. Мен уларни томоша қилдим ва уларнинг ўйинига қойил қолдим. Улар чемпионликни қўлга киритишади ва келаси йили Чемпионлар лигасида нима қилишларини кўрамиз.
"Наполи" А Серияда "Милан"дан олдинда ва одамлар Чемпионлар лигасида ҳам шундай бўлиши керак деб ўйлашади, аммо "Милан"нинг Европада ўз тажрибаси бор. Бу клуб "Бавария"га ўхшайди.
"Милан" ўтмишда ажойиб ўйнади, қанча кубок ютганини билмайман. Бу кучли жамоа", — деди Гвардиола La Gazzetta dello Sport билан суҳбатда.
