"Manchester Siti" bosh murabbiyi Xosep Gvardiola "Napoli" va "Milan"ning Chempionlar ligasidagi o‘yiniga baho berdi.
"Italiya futboli mukammal tartibda. “Napoli” – “Milan” uchrashuvini tomosha qildim va hayratda qoldim. Neapolliklarning milanliklar bilan barcha o‘yinlari joriy mavsumda yaxshi taasuroot qoldirdi. Barcha uchrashuvlar kichik hisobdagi farq bilan yakunlandi.
Endi ko‘pchilik "Napoli" Chempionlar Ligasidan chiqib ketgani uchun mavsumni yomon o‘tkazmoqda deb aytishni boshlaydi. Men ularni tomosha qildim va ularning o‘yiniga qoyil qoldim. Ular chempionlikni qo‘lga kiritishadi va kelasi yili Chempionlar ligasida nima qilishlarini ko‘ramiz.
"Napoli" A Seriyada "Milan"dan oldinda va odamlar Chempionlar ligasida ham shunday bo‘lishi kerak deb o‘ylashadi, ammo "Milan"ning Yevropada o‘z tajribasi bor. Bu klub "Bavariya"ga o‘xshaydi.
"Milan" o‘tmishda ajoyib o‘ynadi, qancha kubok yutganini bilmayman. Bu kuchli jamoa", — dedi Gvardiola La Gazzetta dello Sport bilan suhbatda.