Хави "Атлетико"га қарши ўйиннинг қайдномасига 15 ёшли ҳужумчиси Ламин Ямални киритди.

Агар Ямал майдонга тушса, у Ла Лигада "Барселона"да ўйнаган энг ёш футболчига айланади.

"Чақирилган ҳар бир киши ўйнаш имкониятига эга. Ямал бизга ёрдам бера олади, унинг иқтидори бор, у ёш ва кучли. Футболчи сифатида эса Ламин даврни белгилаши, клуб учун муҳим футболчига айланиши мумкин.

У қўрқмайди, биз уни қайдномага киритдик, у билан гаплашдим, у ўйинга тайёр. Ўйлайманки, у бизга ёрдам бера олади", - деди Хави.

"Барселона" бош мураббийи, шунингдек, Ямалнинг шартнома муддати тугаши ва клуб уни узайтиришга кўндирмоқчи бўлгани учун чақирилганини ҳам рад этди.

"Биз ҳозирги кунга эътибор қаратамиз. У жуда яхши ўйнади. Менга кўрганларим ёқди, шунинг учун уни чақирдик.

Унинг шартномаси тугашининг бу чақирувга ҳеч қандай алоқаси йўқ. У яхши машғулот ўтказди, жуда кўп иқтидорга эга ва ёшига қарамай асосий таркибда ўйнай олади", - дея қўшимча қилди Хави.