Англия терма жамоаси ва «Манчестер Юнайтед»нинг собиқ ҳужумчиси, ҳозирда эса мураббий бўлган Уэйн Руни футболдаги авлодлар алмашинуви ҳақида гапирди.

«Биз Лионель Месси ва Криштиану Роналдунинг даврини анчадан бери кузатамиз. Энди навбат Килиан Мбаппе ва Эрлинг Холандга.

Холанд ҳақиқий истеъдод эгаси. Унинг истеъдодидан барча баҳраманд бўлиши керак. Бундай кучли футболчини жуда камдан-кам учратиш мумкин», деди Руни The Times нашрига.

Норвегиялик ҳужумчи жорий мавсумда барча турнирларда 42 та ўйинда майдонга тушиб, 48 та гол урди ва 6 та голли узатмани амалга оширди.