«Реал» бош мураббийи Карло Анчелотти Ла Лиганинг 30-тури доирасида «Сельта» устидан қозонилган ғалаба (2:0) ҳақида фикр билдирди.

«Менимча, атрофимиздаги атмосфера бизга кўп ёрдам беряпти. Шунинг учун ҳам, ўйлайманки, барча футболчилар бизга доимо меҳр кўрсатиб келаётган мухлисларимиздан миннатдор.

Майсазорда муаммолар бор, ходимлар ўз устида ишламоқда ва умид қиламанки, улар ечим топадилар. Давом этилаётган ишлар ўтнинг сифатига таъсир қилиши аниқ ва бу ажабланарли эмас.

Биз чидашимиз керак. Аммо вазият «Сити» билан биринчи ўйиндан олдин ўзгаради», - деди Анчелотти ўйиндан кейин.

«Реал Мадрид» 65 очко билан Ла Лига турнир жадвалида иккинчи ўринда бормоқда. «Сельта» 36 очко билан 12-ўринда бормоқда.