«Real» bosh murabbiyi Karlo Anchelotti La Liganing 30-turi doirasida «Selta» ustidan qozonilgan g‘alaba (2:0) haqida fikr bildirdi.

«Menimcha, atrofimizdagi atmosfera bizga ko‘p yordam beryapti. Shuning uchun ham, o‘ylaymanki, barcha futbolchilar bizga doimo mehr ko‘rsatib kelayotgan muxlislarimizdan minnatdor.

Maysazorda muammolar bor, xodimlar o‘z ustida ishlamoqda va umid qilamanki, ular yechim topadilar. Davom etilayotgan ishlar o‘tning sifatiga ta’sir qilishi aniq va bu ajablanarli emas.

Biz chidashimiz kerak. Ammo vaziyat «Siti» bilan birinchi o‘yindan oldin o‘zgaradi», - dedi Anchelotti o‘yindan keyin.

«Real Madrid» 65 ochko bilan La Liga turnir jadvalida ikkinchi o‘rinda bormoqda. «Selta» 36 ochko bilan 12-o‘rinda bormoqda.