Аввалроқ Роберт Левандовскининг манфаатларини ҳимоя қилган футбол агенти Цезар Кухарски ўзининг собиқ мижозини танқид қилди.
«Роберт ва унинг рафиқаси ижтимоий тармоқларда ўзини қандай тутиши ПР менежерларининг иши. Ҳақиқий ҳаётда Левандовски ўзини Польша қироли деб билади. У бошқаларга худди шундай муносабатда бўлади», — деди Кухарски.
34 ёшли ҳужумчи «кўк-анорранглилар» сафида 2022 йилнинг июлидан бери тўп тепади. Левандовски ва Каталония гранди ўртасидаги амалдаги шартнома муддати 2025/2026 йилги мавсум охиригача ҳисобланган.
Польша жорий мавсумда Ла Лиганинг 25 ўйинида 17 та гол урди ва 6 та голли узатмани амалга оширди.
