Ҳуқуқлари Франциянинг «Лилль» клубига тегишли бўлган канадалик ҳужумчи Жонатан Дэвид фаолиятини Германия чемпионатида давом эттириши мумкин.
Todofichajes хабарига кўра, 23 ёшли футболчини «РБ Лейпциг» ўз сафига қўшиб олмоқчи.
Дэвиднинг трансфер нархи 60 миллион еврога баҳоланмоқда. Ҳужумчининг «Лилль» билан шартномаси 2025 йилнинг ўрталарига қадар тузилган.
Олдинроқ, Мюнхеннинг «Бавария» клуби Жонатанга қизиқиш билдирган эди.
Канадалик футболчи жорий мавсум чемпионатда 31 та ўйинда майдонга тушиб, 21 та гол (7 та пенальтидан) ва 4 та голли узатмага муаллифлик қилди.
