Хорватия ва “Лейпциг” клуби ҳимоячиси Йошко Гвардиол “Ливерпуль”га ўтмайди, дея хабар беради Football Insider.
Манбанинг таъкидлашича, мерсисайдликлар Гвардиолни ўз сафларида кўришни хоҳлашади, бироқ футболчининг юқори нархидан улар "қўрқиб кетишган". Шу муносабат билан келишув амалга ошиши даргумон.
Аввалроқ матбуотда "Челси" Йошко учун тахминан 100 миллион евро тўлашга тайёрлиги ҳақида хабарлар тарқалганди.
Жорий мавсумда 21 ёшли хорват Германия чемпионатида 26 та ўйинда майдонга тушиб, битта гол урди ва битта сариқ карточка олди. Ҳимоячининг "буқалар" билан шартномаси 2027 йилнинг ёзида якунига етади.
