Ҳуқуқлари Бразилиянинг "Атлетико Паранаэнсе" клубига тегишли бўлган ҳужумчи Виктор Роке Лондоннинг "Челси"сига ўтмайди, деб хабар беради Football Insider.

Эслатиб ўтамиз, қишки трансфер ойнасида "аристократлар" футболчининг трансферини расмийлаштиришга ҳаракат қилишган, аммо кейин молиявий фейр-плей билан боғлиқ муаммолар туфайли келишув амалга ошмаганди. Ўшанда трансфер нархи 35-40 миллион еврога баҳоланганди.

18 ёшли ҳужумчи "Атлетико Паранаэнсе"да 2022 йилнинг апрелидан буён тўп суради. Роке билан клуби ўртасидаги амалдаги шартнома муддати 2026/2027 йилги мавсум охиригача ҳисобланган. Transfermarkt портали унинг нархини 18 миллион еврога баҳоламоқда.