"Вильярреал" вингери Самуэль Чуквуэзе фаолиятини АПЛда давом эттириши мумкин, деб хабар беради Relevo.
Манбанинг хабарига кўра, 23 ёшли нигериялик футболчига "Ньюкасл" қизиқиш билдирмоқда. Чуквуэзе ўтган ёзда Англияга кўчиб ўтиши мумкин эди, аммо ўшанда футболчининг "Эвертон"га трансфери амалга ошмади.
Чуквуезе жорий мавсумда клуб сафида барча турнирлар доирасида 41 та ўйинда майдонга тушиб, 13 та гол урди ва 11 та голли узатмани амалга оширди. Transfermarkt портали унинг нархини 20 миллион еврога баҳоламоқда.
