"Тоттенхэм" бош мураббийи вазифасини бажарувчи Кристиан Стеллини "Ньюкасл"дан учралган мағлубият ҳақида фикр билдирди. Англия Премьер-лигасининг 32-туридан ўрин олган учрашувда Лондон клуби учрашувнинг 20-дақиқасига келиб ўз дарвозасидан бешта гол ўтказиб юборган ҳолда якунда 1:6 ҳисобида мағлуб бўлди.
"Мен бундай ўйинни тушунтириб бера олмайман, менда ҳозир фикр йўқ. Таймнинг биринчи ярми мен кўрган энг ёмони бўлди. Натижа учун барча жавобгарлик менда", - деди Стеллини.
32 ўйиндан кейин "Тоттенхэм" 53 очко билан АПЛ турнир жадвалида бешинчи ўринда бормоқда.
