«Брайтон» бош мураббийи Роберто де Зерби жамоасининг Англия Кубогидан чиқиб кетиши ҳақида фикр билдирди.

Турнирнинг ярим финалида жамоа «Манчестер Юнайтед» билан тўқнаш келди (0:0, пенальтилар сериясида 6:7).

«Бу футбол. Албатта, натижадан хафамиз, чунки яхши ўйин ўтказгандик. Бизда кўп жароҳатлар бор эди, шу туфайли бу жамоага жиддий таъсир кўрсатди.

Пенальтилар серияси? Одатда серияда ғалабага лойиқ бўлмаган жамоа ғолиб бўлади», - дея италиялик мутахассиснинг сўзларини келтиради BBC Sport.

Англия кубоги финалида «Манчестер Юнайтед» «Манчестер Сити»га қарши майдонга тушади.

«Брайтон»нинг навбатдаги ўйини Англия Премьер-лигасида «Ноттингем Форест»га қарши бўлади.