«Brayton» bosh murabbiyi Roberto de Zerbi jamoasining Angliya Kubogidan chiqib ketishi haqida fikr bildirdi.

Turnirning yarim finalida jamoa «Manchester Yunayted» bilan to‘qnash keldi (0:0, penaltilar seriyasida 6:7).

«Bu futbol. Albatta, natijadan xafamiz, chunki yaxshi o‘yin o‘tkazgandik. Bizda ko‘p jarohatlar bor edi, shu tufayli bu jamoaga jiddiy ta’sir ko‘rsatdi.

Penaltilar seriyasi? Odatda seriyada g‘alabaga loyiq bo‘lmagan jamoa g‘olib bo‘ladi», - deya italiyalik mutaxassisning so‘zlarini keltiradi BBC Sport.

Angliya kubogi finalida «Manchester Yunayted» «Manchester Siti»ga qarshi maydonga tushadi.

«Brayton»ning navbatdagi o‘yini Angliya Premyer-ligasida «Nottingem Forest»ga qarshi bo‘ladi.