"Реал Мадрид" бош мураббийи Карло Анчелотти "Барселона" ноҳақ Ла Лигада 11 очко билан пешқадамлик қилаётганига шаъма қилди. Эслатиб ўтамиз, чемпионат якунланишига 8 та тур қолди.
"Менимча, "Барселона"нинг 11 очко кўп тўплагани ҳақиқатни акс эттирмайди. Чемпионат давомидаги ўйинларнинг сифати бўйича биз биринчи ўриндаги жамоадан жуда ортда қолдик деб айтиш мумкин эмас", - деди Анчелотти матбуот анжуманида.
Эслатиб ўтамиз, "Реал Мадрид" 6 май куни "Осасуна" билан финалда ўйнайдиган Испания кубогида ғалаба қозониш имкониятини сақлаб қолган. Чемпионлар лигасида Карло Анчелотти шогирдлари ярим финалда “Манчестер Сити”га қарши майдонга тушади.
