"Реал Мадрид" бош мураббийи Карло Анчелотти ярим ҳимоячи Марко Асенсио "Қироллик клуби"да қолишидан умид қилмоқда. Эслатиб ўтамиз, испаниялик ярим ҳимоячининг шартномаси мавсум охирида якунига етади.
"Асенсио билан янги шартнома имзолаймизми? Менга Марко жуда ёқади. Ўйлайманки, бошқа клублар ҳам уни жуда яхши кўришади, аммо Асенсио биз билан қолади деб умид қиламан", - деди Анчелотти Испания чемпионатида “Жирона” билан ўйин олдидан матбуот анжуманида.
Эслатиб ўтамиз, аввалроқ Асенсио "Реал" билан шартномани узайтиришга яқин экани ҳақида хабарлар тарқалган эди. Томонлар муроса топа олди ва янги келишув бўйича келишиб олди.
