"Барселона" ёзда ҳужумни мустаҳкамлаши мумкин бўлган номзодлар рўйхатини аниқлади, деб хабар беради Sky Sports.
Қисқа рўйхатда биринчи ўринда "Челси"нинг габонлик ҳужумчиси, ўтган йили каталонияликлар сафида тўп тепган Пер-Эмерик Обамеянг бор. Бундан ташқари, унинг таркибига Роберто Фирмино ("Ливерпуль"), Маркус Тюрам ("Боруссия М") ва 18 ёшли ҳужумчи Витор Роке ("Атлетико Паранаенсе") кирди.
30-турдан кейин “Барселона” Испания Ла Лигаси турнир жадвалида 76 очко билан пешқадамлик қилмоқда.













