Ҳимоячи Люка Эрнандес яқин кунларда “Бавария” билан янги шартнома имзолайди. Sky Germany журналисти Флориан Плеттенберг ижтимоий тармоқларда хабар беришича, томонлар ўртасидаги яхши музокаралардан сўнг масала деярли ёпилди.
Қайд этилишича, Эрнандеснинг янги шартномаси 2027 йилнинг июн ойи охиригача ҳисоблаб чиқилади. Амалдаги келишув 14 ойдан кейин тугайди.
Люка Эрнандес "Атлетико Мадрид"дан трансфер қилинганидан кейин 2019 йилнинг ёзидан бери "Бавария"да ўйнамоқда. Ўшандан бери француз мюнхенликлар сафида 107 та ўйин ўтказиб, ўз ҳисобига иккита гол ва 8 та голли узатма ёздириб қўйган.
