Суперлига 7-туридан ўрин олган “Насаф” – “Олимпик” (3:0) учрашувидан сўнг мезбонлар мураббийи Шуҳрат Тошпўлатов ўз фикрларини билдириб ўтди.

“Олимпик” футболчилари ёш бўлишларига қарамай, комбинацион ўйин намойиш этади ва биз бунга тайёр эдик. Шу боис, тўп назорати рақибда кўпроқ бўлди. Ҳимоячилар бугун тартибли ҳаракат қилишди, қолаверса, “Бунёдкор”га қарши баҳсдан фарқли ўлароқ барча имкониятларни голга айлантирдик.

Чемпионат энди бошланди ва шошмаган маъқул. Олдинда учрашувлар кўп, умид қиламанки, Амонов ҳали голлар уриб, мухлисларни хурсанд қилади.

Юқорида таъкидлаганимдек, мавсум энди бошланди ва ўйинлар кўп. Ҳаммага имконият берилади. Ҳозирги кунда Лима яхшироқ ҳаракат қиляпти ва шу боис бошланғич таркибда майдонга тушмоқда.

Сидиқовда кичик жароҳат бор эди. Шу сабабли “Бунёдкор”га қарши беллашувда таваккал қилиб, уни майдонга туширмасликка қарор қилгандик”, – деди Тошпўлатов.