Суперлига 7-турида сафарда “Андижон”га йирик ҳисобда мағлуб бўлган “Металлург” клуби бош мураббийи Веско Стешич мағлубият сабаблари, кимлар айбдор экани ва лига даражаси ҳақидаги саволларга жавоб берди.
“Бугун очиғи умуман ўйин қовушмади. Биринчи ҳужумдаёқ гол ўтказиб юбордик. Кейин ҳисобни тенглаштириш учун ҳаракат қилдик, аммо яна голлар ўтказдик. Бундай мағлубиятлар тез-тез бўлмаса ҳам, учраб туради. Умид қиламанки, бундай мағлубият йигитларни диққатини жамлашга ва жипслаштиришга туртки бўлади”, - деди Стешевич.
“Фақат ҳужумчилар эмас, майдонга тушган барча мағлубиятга айбдор. Жумладан, мен ҳам. Қаердадир кўпроқ хатолар қилдик, яхши тайёрлана олмаганимиз учун ютқаздик. Рақибни эса бугунги ишончли ва чиройли ғалаба билан табриклайман”.
“Лига даражаси жуда баланд эканини кўриш мумкин. Бу ердаги ўйинлар жуда шиддатли ва кескин курашлар остида кечаяпти. Шахсан мен жуда ажабландим. Бизга ҳозирча стабиллик етишмаяпти. Умид қиламанки, кейинги ўйинларгача барчаси жойига тушади”.
