"Динамо" ўз майдонида Зарафшоннинг "Қизилқум" клубини мағлубиятга учратди ва хавфли зонадан бироз узоқлашишга муваффақ бўлди.
Ўйин бошланиши билан олдинга ташланган самарқандликлар ўйиннинг 2-дақиқасидаёқ "Қизилқум" дарвозасини ишғол қилишди. Илҳом Бойдедаев гол муаллифи бўлди. Бўлим тугаши арафасида эса Рўзим Аҳмедов ҳисобни 2:0га етказди.
Иккинчи бўлимда вазиятни ўнглашга интилган Равшан Ҳайдаров шогирдлари бу ишни эплай олишмади. Боз устига, "Қизилқум" футболчиси Азамат Бобожонов ўзининг иккинчи сариқ карточкасини олиб, майдонни тарк этди.
Ўйиннинг 82-дақиқасида эса захирадан майдонга тушган Леонид Кошелев бош билан дарвозани ишғол қилди ва ўйин тақдирини амалда ҳал қилди.
Иккинчи давра бошланганидан бери ҳали бирор марта ғалаба қозонмаган "Қизилқум" ўзининг нохуш анъанасини бу турда ҳам давом эттирди.
Олий лига. 21-тур
"ДИНАМО" - "ҚИЗИЛҚУМ" - 3:0
Голлар: Илҳом Бойдедаев (2), Рўзим Аҳмедов (45), Леонид Кошелев (83)
Четлатиш: Азамат Бобожонов (75 - "Қизилқум")