Монтевидеонинг "Ливерпуль" клубида ўйнаётган ҳимоячи Фабрицио Диас Европага кўчиб ўтиши мумкин.
Mundo Deportivo нашри хабарига кўра, уругвайлик футболчининг хизматларига "Барселона" қизиқиш билдирмоқда.
"Кўк-анорранглилар" вакиллари футболчининг агенти билан учрашув ўтказишди. Томонлар трансфер бўйича келишиб олдилар, битим миқдори саккиз миллион еврони ташкил қилади.
Эслатиб ўтамиз, Фабрицио Уругвай ёшлар терма жамоаси сардори ҳисобланади.
Испания чемпионатининг жорий мавсумида "Барселона" 30 турдан сўнг 76 очко жамғарди. Каталония гранди иккинчи ўриндаги "Реал Мадрид"дан 11 очко олдинда.
