Миланнинг "Интер" клуби етакчиларидан бири Марсело Брозович Италия А Сериясини АПЛга ўзгартириши мумкин.
Sportske jutarnji нашри хабарига кўра, "Ньюкасл" хорватиялик футболчига қизиқиш билдирмоқда. Қайд этилишича, "нерадзуррилар" раҳбарияти Брозовични 35 миллион евро эвазига қўйиб юборишга тайёр. Хорватиялик футболчининг хизматига қизиқаётган клублардан яна бири Испаниянинг "Барселона" клубидир.
Эслатиб ўтамиз, Марсело Брозович 2015 йилдан буён "Интер" сафида ўйнаб келмоқда ва Италияда чемпионликни ва бир марта мамлакат кубогини қўлга киритган. Transfermarkt портали 30 ёшли ярим ҳимоячининг нархини 28 миллион еврога баҳоламоқда.
