Жорий йилнинг 5-6 май кунлари Ўзбекистонда футболни оммалаштириш йўлида олиб борилаётган ишлар билан яқиндан танишиш ҳамда мамлакатимизда футболни янада ривожлантиришга оид ҳамкорлик лойиҳаларини муҳокама қилиш мақсадида ФИФА Президенти Жанни Инфантино бошчилигидаги делегация мамлакатимизга ташриф буюради.
Делегация ташриф давомида мамлакатимиз футбол инфратузилмаси билан танишиши, ФИФА билан ҳамкорликда ташкил этилаётган Терма жамоалар базасини ("Дўстлик") кўздан кечириши, шунингдек, Ўзбекистон футбол ассоциацияси мутасаддилари билан учрашувлар ўтказиши кутилмоқда. Бу ҳақда ЎФА матбуот хизмати хабар тарқатди.
