"Арсенал" бош мураббийи Микель Артета Александр Зинченко ва Габриэль Жезус жамоанинг Премьер-лигадаги ғалабасига бошидан ишонишганини айтди. Эслатиб ўтамиз, иккала футболчи ҳам ўтган ёзда "канонирлар"нинг чемпионлик учун курашдаги асосий рақиби бўлган "Манчестер Сити"дан келишганди.
"Трансферлардан икки-уч ҳафта ўтгач, Жезус ва Зинченко Англия Премьер-лигасида ғалаба қозониш ниятлари ҳақида гапиришди. Бундай суҳбатлар август ойида бўлиб ўтган, шунинг учун жамоада кимдир чемпионлик учун курашдан ҳайрон бўлган деб айтиш мумкин эмас", - деди Артета матбуот анжуманида.
Эртага АПЛ доирасида "Арсенал" ва "Манчестер Сити" жамоалари ўзаро тўқнаш келишади. Артета шогирдлари билан иккинчи ўриндаги фарқ 5 очкони ташкил этади, аммо "шаҳарликлар"нинг захирасида яна икки ўйин бор.
