"Челси"нинг вақтинчалик бош мураббийи Франк Лэмпард Маурисио Почеттинонинг клубга бош мураббий этиб тайинланиши ҳақидаги саволларга жавоб беришдан бош тортди.
Эслатиб ўтамиз, кўплаб нуфузли манбалар аргентиналик мутахассиснинг "Стэмфорд Бридж"га келишга яқин тургани ҳақидаги хабарни тарқатишганди.
"Почеттино "Челси"нинг янги бош мураббийи бўладими? Мен янги мураббий ҳақидаги саволларга жавоб бермайман. Келажак учун сотиб олинган футболчиларни майдонга тушираманми? Кўрамиз, улар бунга лойиқ бўлишлари керак", - деди Лэмпард матбуот анжуманида.
Эслатиб ўтамиз, Франкнинг "Челси" билан шартномаси жорий мавсум охирида тугайди.
