"Chelsi"ning vaqtinchalik bosh murabbiyi Frank Lempard Maurisio Pochettinoning klubga bosh murabbiy etib tayinlanishi haqidagi savollarga javob berishdan bosh tortdi.
Eslatib o‘tamiz, ko‘plab nufuzli manbalar argentinalik mutaxassisning "Stemford Bridj"ga kelishga yaqin turgani haqidagi xabarni tarqatishgandi.
"Pochettino "Chelsi"ning yangi bosh murabbiyi bo‘ladimi? Men yangi murabbiy haqidagi savollarga javob bermayman. Kelajak uchun sotib olingan futbolchilarni maydonga tushiramanmi? Ko‘ramiz, ular bunga loyiq bo‘lishlari kerak", - dedi Lempard matbuot anjumanida.
Eslatib o‘tamiz, Frankning "Chelsi" bilan shartnomasi joriy mavsum oxirida tugaydi.