"Бенфика" ҳимоячиси Алехандро Гримальдо "Фулхэм" сафига қўшилиши мумкин.
Sky Sports нашри хабарига кўра, "Фулхэм" бу ёзда мудофаа чизиғини кучайтиришни режалаштирмоқда ва 27 ёшли испаниялик футболчининг вариантини кўриб чиқмоқда. Мавсум охирида унинг "Бенфика" билан шартномаси тугайди ва "Фулхэм" футболчини текинга ўз сафига қўшиб олиши мумкин бўлади.
Айни пайтда Гримальдони "Ювентус", "Милан", "Вильярреал" ва "Валенсия" клублари ҳам кузатиб бораётгани қайд этилган. Аввалроқ футболчининг ўзи мавсум оралиғида қаерда бўлишини билмаслигини айтганди.
Ҳимоячи жорий мавсумда барча турнирларда 49 та ўйинда майдонга тушиб, 5 та гол ва 14 та голли узатмани амалга оширди. Transfermarkt портали футболчининг нархини 25 миллион еврога баҳоламоқда.
