“Лестер” АПЛнинг 33-турида “Лидс” билан меҳмонда ўйнади – 1:1.

Мезбонлар 20-дақиқада Луис Синистерранинг голи эвазига ҳисобда олдинга чиқиб олишди. Улар 80-дақиқагача олдинда эди, иккинчи бўлимда захирадан майдонга тушган Жейми Варди мувозанатни тиклади. Ҳужумчи ўзининг 2023 йилдаги илк голини урди. У барча мусобақаларда қаторасига 19 учрашувда гол урмади ва АПЛдаги сўнгги голини октябрь ойида 13-турда "Вулверхэмптон"га (4:0) киритганди.

"Лидс" 30 очко билан Премьер-лигада 16-ўринни эгаллаб турибди. “Лестер” бугунги рақибидан бир очко ортда қолмоқда ва турнир жадвалида 17-ўринда бормоқда.