Италия чемпионатининг 5-турида "Лацио" ҳужумчиси Мирослав Клозе қўли билан гол урди ва шундан сўнг голни бекор қилишни ҳакамдан сўради.
Ўйиннинг 4-дақиқасида ҳали ҳисоб 0:0 бўлиб турганида тўп бурчакдан узатиб берилди ва Клозе ҳимоячи билан тўп учун курашда тўпга қўлини қўйди. Тўп эса "Наполи" дарвозасига кириб кетди. Вазиятни аниқ кўра олмаган бош ҳакам гол бўлганлигига ишора қилиб, майдон марказини кўрсатди.
34 ёшли немис футболчиси ҳакам ёнига келиб, голни қўли билан урганини айтди ва шундан сўнг ҳакам голни бекор қилди. Клозенинг ушбу хатти-ҳаракатини ҳар иккала жамоа мухлислари олқишлашди.